१५ अक्टोबरबाट हल खुल्ने भएपछि अभिषेकले साटे खुशी
एजेन्सी– कोरोना कहरले बन्द रहेका भारतका फिल्म हलहरु १५ अक्टोबरबाट खुल्ने भएको छ । भारतको केन्द्रिय सरकारले अनलक– ५ गाइडलाई सार्वजनिक गर्दै १५ अक्टोबरबाट हल खोल्ने अनुमति दिएको छ ।
प्रर्दशकले ५० प्रतिशत दर्शक राखेर हल खोल्न पाउने भएका छन् । अभिषेक बच्चनले समाचार शेयर गर्दै ट्वीटरमा लेखेका छन्, ’साताको सबभन्दा राम्रो खबर !!!!’
भारतमा कोरोना संक्रमितको संख्या बढ्दोक्रममा भएपनि केन्द्रिय सरकारले हल खोल्ने अनुमति दिएको छ । यो खबरले बलिउडका कलाकारहरु उत्साहित भएका छन् ।
