रोहनप्रीतसँग तस्बिर शेयर गर्दै नेहा लेख्छिन्, ‘तिमी मेरै हौं’
भारतीय गायिका नेहा कक्करको पञ्जावी गायक रोहनप्रीत सिंहसँग विवाह हुने चर्चा चलिरहेको छ । विवाहको चर्चा चलिरहदा नेहाले रोहनप्रीतसँग तस्बिर शेयर गरेकी छिन् ।
नेहा र रोहनप्रीतले दुवैले आफ्नो इन्स्टाग्राममा एकसाथ तस्बिर सार्वजनिक गरेका छन् । नेहाले लेखेकी छिन्, ’तिमी मेरै हौं । नेहुप्रीत ’ रोहनप्रीतले पनि नेहासँगको तस्बिर सार्वजनिक गर्दै लेखेका छन्, ‘मेरी जिन्दगी हेर्नुहोस् ।’उनीहरुले एकसाथ तस्बिर सार्वजनिक गरेपछि बधाईको ओहिरो लागेको छ । तर, उनीहरुले केहि जवाफ दिएका छैनन् । केही समयअघि दुवैले एकसाथ एउटा म्युजिक भिडियोमा काम गरेका थिए ।
नेहा यसअघि हिमांस कोहलीसँग प्रेममा थिइन् ।
