सना खानले गरिन् बलिउड छाड्ने घोषणा

एजेन्सी– ‘बिग बोस ६’ बाट चर्चामा आएकी नायिका सना खानले बलिउड छाड्ने निर्णय गरेकी छन् । उनले सामाजिक सञ्जाल मार्फत बलिउड छाड्ने घोषणा गरेकी हुन् ।

उनले लेखेकी छन्, ‘दाजुभाइ तथा दिदीबहिनी, आज म मेरो जिन्दगीको महत्वपुर्ण मोडको बारेमा तपाईंहरूसँग कुरा गर्दैछु । म वर्षौंदेखि शोबिजमा छु र यसबाट मलाई नाम, इज्जत र पैसा आयो जसका लागि आभारी छु । तर केही दिनदेखि मलाई मानिस यो दुनियाँमा आउनुको मतलब के धन र इज्जतमात्र कमाउन हो त ? के बेसहाराको सेवामा जिवन बिताउनु उसको कर्तव्य होइन ? के मान्छेले उसको मृत्यु जतिबेला पनि हुनसक्छ भनेर सोच्नुपर्दैन ? मलाई यी प्रश्नको उत्तरको खोजी वर्षौदेखि थियो । खासगरी दोश्रो प्रश्नको । मरेपछि ऊ के हुने हो भन्ने ? मैले यी प्रश्नको उत्तर धर्ममा खोेजे र त्यहाँबाट मलाई थाहा भयो यो दुनियाँको जीवन त मृत्युपछिको जीवन राम्रो बनाउनलाई रहेछ ।’

‘मानिसले उसलाई सिर्जना गर्ने भगवानको चाहाना अनुसार जिन्दगी बिताउँदा यो अझ राम्रो हुनेछ । मात्र सम्पति र नामलाई आफ्नो लक्ष्य बनाउन भएन । त्यसको सट्टा पापको जीवनबाट बचेर मानवताको इज्जत गर्नुपर्छ । आफूलाई ल्याउनेले बताएको बाटोमा चल्नुपर्छ । त्यसै कारण मैले आज शोबिजको जीवन छोडेर मानवताको सेवामा र मलाई जन्माउने भगवानको बाटोमा हिँड्ने दृढ अठोट लिएको छु । म मेरा तमाम दाजुभाइ तथा दिदीबहिनलाई मलाई शोबिजमा काम गर्नका लागि नबोलाउन अनुरोध गर्दछु । धेरै धेरै धन्यवाद’, उनले लेखेकी छन् ।

सनाले सन् २००५ मा हिन्दी फिल्म ‘यही हे हाई सोसाइटी’बाट अभिनयमा डेब्यू गरेकी थिइन् । यसपछि उनले बलिउड, मलयालम, तमिल, तेलुगु, कन्नड जस्ता फिल्ममा काम गरिसकेकी छिन् ।