‘विवाह’ अभिनेत्री अमृता राव आमा बन्दै
एजेन्सी– बलिउड अभिनेत्री अमृता राव आमा बन्न लागेकी छिन् । हालै उनी र श्रीमान् आरजे अनमोलको एक तस्बिर सार्वजनिक भएको छ । जसमा उनको बेबी बम्प स्पष्ट रुपमा देखिएको छ । उक्त तस्बिर क्लिनिकमा चेकअपका लागि खिचिएको बताइएको छ ।
अृमता र अनमोलले ७ वर्षसम्म एक अर्कालाई डेट गरेपछि सन् २०१६ मा विवाह गरेका थिए । उनीहरुको विवाहमा परिवार र नजिकका आफन्त मात्रै समावेश भएका थिए ।
अमृताले फिल्म ‘अब के बरस’ बाट बलिउड डेब्यू गरेकी थिइन् । उनले साउथका थुप्रै फिल्ममा पनि काम गरिसकेकी छिन् । ‘इश्क–विश्क’ र ‘विवाह’मा अमृता राव र शाहिद कपुरको जोडी अत्यधिक रुचाइएको थियो । उनी अन्तिम पटक फिल्म ‘ठाकरे’मा देखिएकी थिइन् ।
