‘सक्किगोनी’ परिवारको तर्फबाट बालबालिकालाई दशैं उपहार (भिडियो)
हाँस्य टेलिश्रंखला ‘सक्किगोनी’का धतुरेबाको नामले परिचित सिपी पुडासाइनीले सिन्धुपाल्चोकस्थित ऐंसेलुखर्कको मदर सिस्टर नेपाल बालगृहमा जाडोको कपडा वितरण गरेका छन् । उनले आइतबार सिन्धुपाल्चोक पुगेर बालबालिकालाई दशैं उपहार स्वरुप ज्याकेट बाडेका थिए । उनले बालबालिकासँग रमाइलो पनि गरेका थिए ।
उनले सबैलाई दशैंको शुभकामना दिदै भने, ‘म पनि एउटा किसान परिवारको छोरो हो । पहिला हामीलाई दशैं आउदा बुबाले नयाँ लुगा हाल्दिनु हुन्थ्यो । त्यो नयाँ लुगा चै स्कुलको ड्रेस हो । मैले त्यतिबेला दशैंमा नयाँ लुगा लगाएको भनेको स्कुल ड्रेस मात्रै हो । जब म सक्ने भए नयाँ नयाँ कपडा किनेर लगाए । त्यसैले यो बालगृहमा आइपुगेर सहयोग गर्न पाउदा एकदमै खुशी लागेको छ । मैले सानो भएपनि यो बालगृहलाई दशैंको चिनो दिन सके ।’ हेर्नुस् पुरा भिडियो :
