पल शाहसँगको प्रेम चर्चामा समिक्षाको खेद प्रकट

नायक पल शाहसँग नाम जोडेर समाचार आएपछि गायिका समिक्षा अधिकारीले आफ्नो तर्फबाट सफाइ दिएकी छिन् । फेसबुकमा लामो स्टाटस लेख्दै समिक्षाले पल शाह आफ्नो अभिभाव सरह रहेको र हुँदै नभएको कपोकल्पिन समाचार आउँदा आफ्नो चरित्र हत्या भएको उनले लेखेकी छिन् ।

समिक्षाको सफाई यस प्रकार छ, “नमस्कार, मलाई समिक्षा अधिकारी बनाउनु हुने मेरा सम्पुणर् दर्शक श्रोता ज्युहरुमा हार्दिक नमन गर्दछु । पछिल्लो समय मेरो बारेमा नायक पल शाह ज्युसङ्ग जोडेर हुँदै नभएको कपोलकल्पित समाचार हरु आएका छन्, यसप्रति मेरो गम्भीर ध्यानाकर्षण भएको छ । समाचारमा मेरो र पल जिको सम्बन्धलाई तोडमोड गरेर तुच्छ प्रकारका कुराहरु मिडियामा आएका छन्, जसले मेरो चरित्र हत्या भएको छ । यसका साथ साथै पल जिको क्यारिअर माथि आँच आउने किसिमले सस्तो प्रचार बाजि गरिराको छन् । यसो नगर्नु हुन अनुरोध गर्दछु । बिना श्रोत अफबाहमा लेखिएका यी समाचारले हामीलाई सामाजिक र चारितृक रुपमा निकै नै असर पुर्याएको छ । यस कुराप्रती म र मेरो परिवार खेद प्रकट गर्दछौं । एउटै ईण्डस्ट्रीमा भएको हिसाबले पल जिले मलाई अभिभावकको हिसाबले माया गर्नुहुन्छ, जुन माया उहाँले आफुसङ्ग जोडिएका सबै सहकर्मीहरुलाई गर्नुहुन्छ र गरिरहनु हुनेछ ।”

“मेरो कला र क्षमतालाई माया संरक्षण गर्नुहुन्छ म उहाँको सदैव फ्यान पनि हुँ । र हामीबिचमा कुनै प्रकारको अनैतिक सम्बन्ध नरहएको र हामी केवल साथमा काम गरिरहेको छौं र हजुरहरुको माया रहेसम्म सधैं राम्रो काम गरिरहने छौं । राष्ट्रको चौथो अङ्ग मानिएको पत्रकारिताका अग्रज र दिग्गज अभिभावकहरुले पनि यसरी मान हानी र चरित्र हत्या हुने किसिमले लेखिएका समाचार ले निकै दुःखी छु । मंैले यो अपेक्षा गरेको थिएन ।”

“म जे छु जहाँ छु यो सब मेरा भगवान रुपि दर्शक श्रोता को देन हो र हजुरहरुलाई कुनै पनि कुराले निराश गर्न सक्दिन र गर्ने छैन । मेरो बारेमा मिडियामा आएका झुटा समाचारहरुप्रती घोर निन्दा गर्दछु र हजुरहरु यसको पछाडी नलाग्नुहुन हार्दिक अनुरोध गर्दछु । अन्त्यमा सम्पुणर् पत्रकार ज्युहरु लाई पनि हार्दिक निबेदन गर्न चाहन्छु कसैको व्यत्तिगत जिवनमा आँच आउने मान हानी तथा चरित्र हिन हुने किसिमको समाचार नबनाउनु होला ।”