किर्तिपुरमा ‘किर्तिपुर सिनेप्लेक्स’ सञ्चालनमा
निर्माता, वितरक तथा प्रदर्शक नरेन्द्र महर्जन र उनको टिमले कीर्तिपुरको पांगामा ‘कीर्तिपुर सिनेप्लेक्स’ संचालनमा ल्याएको छ । गत शुक्रबार यो हलको उद्घाटन गरिएको हो ।
हल उद्घाटनमा चलचित्र विकास बोर्डका अध्यक्ष दयाराम दाहाल, कलाकारहरु दीपकराज गिरी, स्वस्तिमा खड्का, निर्माता छविराज ओझा, निर्देशक निश्चल बस्नेत, दीपाश्री निरौला, शोभित बस्नेत लगायतको उपस्थिती थियो ।
संचालक महर्जनले शुक्रबारबाट एक नेपाल भाषाको र एक हलिउड चलचित्र रिलिज भएको जानकारी दिए । यो हलमा हाल एक मात्र पर्दा छ । केही महिनामै अर्को पर्दा पनि तयार हुने महर्जनको भनाई छ ।
