आँचलसँग बज्यो आशिषको ‘पन्चे बाजा’ (भिडियो)
गायक आशिष सचिनले नयाँ गीत ल्याएका छन् । ‘झ्याईं झ्याईं पन्चे बाजा’ बोलको गीतमा आशिषलाई स्वरमा ऋतिका श्रेष्ठले साथ दिएकी छिन् । आशिष र नायिका आँचल शर्मा फिचर्ड गीतको भिडियो यस्तो बनेको छ । भिडियो :
यशडी योगीको संगीत रहेको गीतमा महेश आचार्यका शब्द छन् । वियोन्डको कथा र निर्देशन रहेको गीतको भिडियोको कोरियोग्राफी कविराज गहतराजले गरेका छन् । भिडियोमा आशिष र आँचलसँगै भिडियोमा कलाकार जेरी भण्डारीले पनि अभिनय गरेका छन् ।
भिडियोमा छायाँकन नवराज उप्रेतीको छ भने सम्पादन सुप्रिम पराजुलीले गरेका छन् । शुक्रबार प्रेसमिट गर्दै झ्याईं झ्याईं पन्चे बाजा गीतको भिडियो रिलिज गरिएको हो ।
