गरिमा बनिन् रुशालीको ‘गुराँसको पछ्यौरी’ (भिडियो)
गायिका रुशाली भट्टराईको स्वरमा ‘गुराँसको पछ्यौरी’ बोलको भिडियो सार्वजनिक गरिएको छ । लोक शैलीको गीतमा राजनराज शिवाकोटीको संगीत, राजेन्द्र थापा र संगीतकार शिवाकोटीकै शब्द छ । संगीत संयोजन राजन इशानले गरेका छन् । भिडियो :
नीशान घिमिरेले निर्देशन गरेको भिडियोमा नेपाली मौलिक गीतमा डाँडा काँडा तथा हिमाली दृश्यहरुलाई सुन्दर रुपमा सागर प्रधानले आफ्नो क्यामेरामा कैद गरेका छन् । भिडियोमा मोडल गरिमा शर्मा फिचर्ड छिन् । सन्तोष राज बाहकले कोरियोग्राफी गरेको भिडियोको सम्पादन निर्देशक घिमिरेले नै गरेका हुन्। भिडियो साईरस प्रोडक्सनको अफिसियल च्यानल मार्फत सार्वजनिक गरिएको छ ।
एमबिबिएसको बिद्यार्थी रुशाली भट्टराईको यो पहिलो गीत हो । यसलाई दर्शकले मन पराउनेमा गायिका भट्टराई आशाबादी छिन् । अब निरन्तर आफुलाई गायनमा अघि बढाउने गायिका भट्टराईको योजना रहेको छ ।
