सम्झना पाण्डेको ‘नाचौं नाचौं’सार्वजनिक (भिडियो)

लामो समय देखि अमेरिकामा बस्दै आएकी गायिका सम्झना पाण्डेको नयाँ गीत भिडियो सार्वजनिक भएको छ । बिहिबार राजधानीमा प्रेसमिट गर्दै हाँस्य सम्राट मदन कृष्ण श्रेष्ठको प्रमुख आतिथ्यमा भिडियो प्रिमियर गरिएको हो ।

’नाचम नाचम’ बोलको डान्सिङ्ग नम्बरमा सम्झना पाण्डे र राजनराज शिवाकोटीको स्वर रहेको छ । सार्वजनिक गीतमा शब्द तथा संगीत राजन राज शिवाकोटीको रहेको छ । राजन ईशानको संगीत संयोजन रहेको गीत पार्टी तथा बिभिन्न सांस्कृतिक कार्यक्रममामा बज्ने खालको बनेको छ ।
गायिका सम्झना पाण्डेको स्वरमा यसअगाडी चार वटा गीत सार्वजनिक गरिसकेकी छन् । पाण्डेले यस पटकको नेपाल बसाईमा तिन वटा गीत र भिडियो निर्माण गरेकी छन् ।

राहुल शाहले कोरियोग्राफी तथा निर्देशन गरेको भिडियोमा गम्भीर बिस्ट, सम्झना पाण्डे, राहुल शाह, साइलेश विस्ट र कविता न्यौपाने फिचर्ड छन् । हरी हुमागाईंले छायाँकन गरेको भिडियोको सम्पादन सुप्रिम पराजुलीले गरेका छन् ।

प्रेसमिटमा गायिका पाण्डेको अर्को भिडियो पनि देखाईयो । अनुप चापागाईंको निर्देशनमा बनेको भिडियोमा सम्झना पाण्डे र शिशिर भण्डारी फिचर्ड छन् । भिडियोमा बुद्ध थापाको छायाँकन ,विकास दाहालको सम्पादन र केविका खत्रीको कोरियोग्राफी रहेको छ ।