पल र कविताको ‘ओ साजन २’रिलिज, फिल्म पनि बन्ने
पल शाह र कविता राय फिचर्ड ‘ओ साजन २’ को भिडियो सार्वजनिक गरिएको छ । सोमबार प्रेसमिट गर्दै गीतको भिडियो रिलिज गरिएको हो । भिडियो हेर्नुस् :
नरेश जोगीको शब्द तथा संगीत रहेको गीतमा अनु चौधरी, सोनु कुश्मी र संगीतकार जोगीको स्वर छ । मिक्सिङ र मास्टरिङ चन्द्र चौधरीले गरेका छन् । अर्जुन तिवारी र उनको समुहले खिचेको भिडियोलाई मिलन विश्वकर्माले सम्पादन गरेका छन् । भिडियोको निर्देशन एवं कोरियोग्राफी विक्रम चौहानको छ ।
यस्तै ‘ओ साजन’ र ‘ओ साजन २’ निर्माण गरेको पिके फिल्मस्को व्यानरले यही ‘ओ साजन’ नाममा फिल्म बनाउने भएको छ । फिल्ममा पनि पल शाह र कविता रायको मुख्य भूमिका रहने म्युजिक भिडियोको प्रेस मिटमा जानकारी गराइयो ।
