राजेशले अमेरिकामा गरे देशभत्ती गीत, निर्देशक शंकर
साँगीतिक प्रस्तुतीका लागि अमेरिका पुगेका गायक राजेश पायल राईले त्यहाँ म्युजिक भिडियो पनि छायाँकन गरेका छन् । प्रेम गुरुङको शब्द र तेजेन्द्र गुरुङको संगीतमा “प्यारो प्यारो नेपाल” गीतको अमेरिकाको विभिन्न स्थानमा छायांकन गरिएको हो । राजेश यसै साता नेपाल फर्किएका छन् ।
उक्त गीतमा संगीतकार तेजेन्द्र गुरुङकै संगीत सयोजन रहेको छ भने उक्त भिडियोलाई शंकर बिसीले निर्देशन गरेका हुन् छन् । छायांकन शम्भु मोक्तानको रहेको छ । उक्त गीतले देश भक्ति र आफ्नो जन्मेको देश प्राण भन्दा प्यारो हुन्छ भन्ने शन्देश दिने निर्देशक विसी बताउँछन् ।
अमेरिकामा बसोबास गर्ने तमु समाजका कलाकारहरुको उपस्थितीमा उक्त भिडियो छायांकन गरिएको हो । उक्त भिडियोलाई चाँडै दर्शकमाझ ल्याउने शंकरको भनाई छ ।
