स्वस्तिमालाई म्युजिक भिडियोमा सफलता
सरकारले हल बन्द गर्ने निणर्य गरेपछि स्वस्तिमा खड्का अभिनित फिल्म चपली हाईट ३ चल्न पाएन । हल नै बन्द गरेपछि फिल्म चल्ने कुरै भएन । फिल्म नचलेपनि नायिका स्वस्तिमा खड्का अभिनित म्युजिक भिडियो भने यतिबेला चलिरहेको छ, ‘कर्कलो कोक्याउला’ ।
बरिष्ठ कलाकार हरिवंश आचार्यको शब्द, संगीत र स्वर रहेको कर्कलो कोक्याउला गीतले चेलिबेटी बेचबिखनको कथा बोल्दछ । स्वस्तिमाको शिर्ष भूमिका रहेको यो भिडियालाई एक सातामा पन्ध्र लाख बढीले युटुवमा हेरेका छन् । भिडियो युटुवको ट्रेन्डिङमा छ । निर्देशक मानव सुवेदीको निर्देशकिय क्षमताको प्रशंसा भैरहेको छ ।
कोरोनो कहरले यतिबेला फिल्म चल्ने अवस्था छैन् । यद्पी म्युजिक भिडियो मार्फत भने कलाकारहरु चलिरहेका छन् । र, केही कलाकारका म्युजिक भिडियो पनि चलेका छन्, यस्मा स्वस्तिमा खड्का पनि पर्न आउँछिन् ।
