बाह्र वर्षपछि राजेश र निरुताको’हजुर मुसुक्कै’ (भिडियो)
महानायक राजेश हमाद र ‘दर्पण छायाँ’ अभिनेत्री निरुता सिंह अभिनित पहिलो म्युजिक भिडियो हजुर मुसुक्कै सार्वजनिक गरिएको छ । आइतबार गृह मन्त्री बालकृष्ण खाँडको प्रमुख आतिथ्यमा यो भव्य भिडियो सार्वजनिक गरिएको हो । भिडियो :
सुरेश अधिकारीको संगीत एंव शब्द रहेको गीतमा गायिका रचना रिमाल र गायक कृष्ण बि.कको स्वर छ । पन्ध्र मिनेट लामो गीति कथा बोकेको भिडियोमा जिवी आग्रीको कथा, पटकथा एवं निर्देशन छ । छायाँकन संजय लामा र नृत्य निर्देशन कविराज गहतराजको छ ।
निकै नै आकर्षक बनेको ‘हजुर मुसुक्कै’ गीतको भिडियोमा राजेश हमाल र निरुता सिंहसँगै प्रिन्स विश्वकर्मा, प्रियना आचार्य, सुरविर पण्डित लगायत अन्य कलाकारहरुको अभिनय छ । राजेश हमाल र निरुता सिंहले १२ वर्षपछि एकसाथ काम गरेका हुन् ।
