दर्शकको मन जित्दै प्रकाश दुतराजको ‘मन भुल्छ’
आफ्ना मौलिक सांगीतिक सिर्जना मार्फत स्रोता दर्शकको मन जितिरहेका प्रकाश दुतराजले नयाँ गीत ‘मन भुल्छ’ बोलको गीत सार्वजनिक गरेका छन् । ‘जाम भो माईली’ पछि प्रकाशको यो अर्को अफिसियल गीत हो । भिडियो :
प्रकाश आफ्ना गीतका शब्दलहर आफै बुन्दै आएका छन्, आफै भाका हाल्दै आएका छन् । ‘मन भुल्छ’मा पनि उनकै शब्द र संगीत छ । कृष्ण बि.कले गीतको एरेन्ज गरेका छन् । गीतमा प्रकाशसँगै गायिका शान्तीश्री परियारले स्वर दिएकी छिन् । प्रकाश र शान्तीश्रीले स्वर दिएका ‘घर कता हो बैनीको’ र ‘जाम भो माईली’ गीत यसअघि करोड क्लबमा पुगिसकेका छन् ।
‘मन भुल्छ’को भिडियोमा भने प्रकाशले नयाँ र रचनात्मक प्रयोग छन् प्रकाशको ‘बैनी झ्यालैमा’ गीतलाई स्रोता दर्शकले रुचाए । त्यसपछि सार्वजनिक गीत ‘चोली मैलै भो’ले विस्तारै चर्चा पाउँदै गएर करोड क्लबको नजिक पुगेको छ । ‘घर कता हो बैनीको’ निकै लोकप्रिय भयो । अनि ‘जाम भो माइली’ले प्रकाशलाई करोड क्लबमा ‘ह्याट्रिक’ गराईदियो । यिनै चारवटा ‘हिट’ सिर्जनाभित्रका पात्रहरुलाई ‘मन भुल्छ’मा एउटै भिडियोभित्र हेर्न सकिन्छ । भिडियोमा प्रकाश दुतराजसँगै सुजल बम, भूमिका गिरी, जुना सुन्दास, आयुष्मा कार्की, विजय पुन, रोशनी कार्कीलाई प्रस्तुत गरिएको छ ।
मौसम हिमालीको निर्देशन रहेको ‘मन भुल्छ’को भिडियोलाई अनिल के. मानन्धनले छायाँकन गरेका हुन् । नबिन घर्ती मगरको सम्पादन तथा कलरपछि भिडियो सार्वजनिक गरिएको हो । अघिल्ला सिर्जनाहरुलाई जस्तै यसलाई पनि स्रोता दर्शकले रुचाउने विश्वास प्रकाशले लिएका छन् ।
