साइँला दाईसँग फूल माग्दै साम्राज्ञी
शिर्ष गीतको सफलतापछि फिल्म ‘ए मेरो हजुर २’ को नेपालीपन झल्किने नयाँ गीति भिडियो रिलिज भएको छ । सार्वजनिक ‘किनिदेउ न साइँला दाई’ बोलको गीतमा फिल्मकी सोलो हिरोइन साम्राज्ञी राज्य लक्ष्मी शाहले विभिन्न नेपाली पहिरण लगाएर नृत्य पस्केकी छिन् ।
संगीतकार बसन्त सापकोटाको शब्द तथा संगीत रहेको गीतमा साधना सरगमको स्वर छ । भिडियोको कोरियोग्राफी कविराजग गहतराले गरेका छन् भने छायाँकन संजय लामाको छ । साम्राज्ञीको नृत्य, उनले लगाएको पहिरण, लोकेशन र लाइट उत्कष्ट छ । भिडियो हाल नेपाल युट्युव ट्रेन्डिङको पाँचौ नम्वरमा छ । भिडियो :
सुहाना इन्टरटेनमेन्टको प्रस्तुतीमा सुनिल कुमार थापाको निर्माण रहेको फिल्म ‘ए मेरो हजुर २’ लाई अभिनेत्री झरना थापाले निर्देशन गरेकी हुन् । झरनाको यो डेव्यु निर्देशकिय फिल्म हो । नव नायक सलिनमान बँनिया साम्राज्ञीको जोडीको रुपमा प्रस्तुत भएका छन् । फिल्म भदौ १६ गतेदेखि अल नेपाल रिलिज हुँदैछ ।
