धिरेन शाक्यलाई ‘छैन केही डर’ ! (भिडियो)
अभिनेता धिरेन शाक्य अभिनित ‘छैन केहि डर’ गीतको भिडियो सार्वजनिक भएको छ । गौरव गिरी निर्देशित भिडियोमा धिरेनको जोडीको रुपमा कलाकार अनिता केसी प्रस्तुत भएकी छन् । भिडियो :
धिरेन र अनितासँगै भिडियोमा नूशा खातुन, भद्रजंग कुवंर, रामलक्ष्मण विष्ट, दुर्गाचन्द ठकुरी, बालकलाकार द्वय उमंग हुमागाइँ र उत्कर्ष हुमागाईंको अभिनय छ । गीतमा स्वर विशम आचार्यको छ भने मुकुन्द पौडेलको शब्दमा संगीत जोसेफ शाही ठकुरीले भरेका छन् ।
भद्रजंग कुँवरको सम्पादन रहेको भिडियोमा छायांकन उत्तम हुमागाइँले गरेका छन् । रंग संयोन श्याम कुवंरको छ । निर्माता आर कुमार हुन् ।
भिडियोमा शहर हिँडेको श्रीमान हराएपछि परिवारमा श्रीमती र छोरामा पर्ने प्रभाव र त्यसले घर नै छोड्न बाध्य पार्ने परिस्थितिलाई प्रस्तुत गरिएको छ । सोमबार प्रेसमिट गर्दै गीतको भिडियो सार्वजनिक गरिएको हो ।
