अन्ततः उपासना पनि म्युजिक भिडियोमा, ‘बिजुली’ बनिन्
नायिका उपासनासिंह ठकुरीले पनि म्युजिक भिडियोमा मोडलिङ्ग गरेकी छिन् । उपासना फिचर्ड ‘बिजुली’ बोलको पहिलो म्युजिक भिडियो सार्वजनिक भएको छ । भिडियो :
‘बिजुली’ गीतको भिडियोमा मोडल निराजन प्रधानले उपासनालाई साथ दिएका छन् । गीतमा गायक जनक ताम्राकारको स्वर छ । शब्द र संगीत महेश ताम्राकारले दिएका छन् । हरि हुमागाईँले निर्देशन गरेको भिडियो सिन्धुलीका रमणीय स्थानमा छायांकन गरिएको छ ।
उत्तम हुमागाँइको छायांकन रहेको छ भने, प्रविन मानन्धरको वीएफएक्स, कलरिङ र सम्पादन रहेको छ । यस्तै भिडियोमा मौसम हिमालीको कोरियोग्राफी रहेको छ ।
