जल शाहको यस्तो बानीले हैरान रमेश उप्रेती (६ तस्बिर)
अभिनेता रमेश उप्रेती र अभिनेत्री जल शाहले आधा दर्जन जति फिल्महरुमा सँगै अभिनय गरेका छन् । यसैले पनि रमेश र जललाई एक अर्काका धेरै रमाइला किस्साहरु याद छन् ।
जल आफ्नो हितैषी रमेशसँग रमाइलो विथ उत्सव शोमा पाहुना बनेर आएकी थिइन्, जहाँ उनीहरुले एक अर्काकको धेरै रमाइला किस्साहरु खुलाए । जल शाहले फिल्मी करिअरको सुरुवाती दिनहरुमा आफ्नो स्लिम फिगर र बोल्ड अदाहले दर्शकलाई मन्त्रमुग्ध बनाइन् । पारिवारिक जीवनमा व्यस्त बनेपछि भने जल शाह शारीरिक रुपमा मोटाएकी छिन् । जबकी रेमश उप्रेती अहिले पनि शारीरिक रुपमा सुगठित छन् ।
‘यो मायाको सागर’ जोडीको यही मोटोपनले भने रमेश हैरान छन् । ‘म त थाकिसकें । हात उठाएँ’, जलको व्यायम नगर्ने बानीले हैरानी बनेका रमेश भन्छन्, ‘अब त जलले फोन पनि नै उठाउँदैन् वर्कआउट गर् भन्छ भनेर !’
यता जलले अर्को साल फर्किंदा आफु घटेर आउने आफैंसँग वाचा गरिन् । सम्भवतः उनी अर्को साल वास्तविक कथामा आधारित फिल्म मार्फत दर्शकमाझ आउनेछिन् ।
बिहेपछि जल शाह अमेरिकामा श्रीमान र छोरीसँग बस्छिन् । आमाको श्रद्धा गर्न नेपाल आएका उनीहरु गत साता अमेरिका फर्किएका छन् ।
तस्बिर : उद्धव रसाईली
