आकाशसँग ‘जिम्बु झान्दै’ गृष्मा (भिडियो)
गायक रामकृष्ण ढकाल र गायिका अन्जु पन्तको स्वरमा ‘जिम्बु झानेर’को भिडियो सार्वजनिक गरिएको छ । गीतमा शिखर सन्तोषको संगीत र निरज सिग्देलको शब्द रहेका छन् । भिडियो :
भिडियोलाई दीपा शाक्यले निर्देशन गरेकी हुन् । गीतको भिडियो भिडियोमा नायक आकाश श्रेष्ठ र नव कलाकार गृष्मा तामाङले अभिनय गरेका छन् । गायक ढकालले नव कलाकार तामाङको अभिनयको प्रशंसा गरे । उनले चर्चित अभिनेता आकाश श्रेष्ठलाई नै टक्कर दिएर अभिनय तथा नृत्य गरेको समेत दाबी गरे ।
सोमबार आयोजित कार्यक्रममा अतिथिको रुपमा बरिष्ठ संगीतकार शम्भूजीत बास्कोटाले गायक ढकाललाई नेपालले प्राप्त गरेको सबैभन्दा ठुलो शान रहेको बताए । उनले ढकाललाई चिन्नु भनेको देशलाई चिन्नु रहेको बताए ।
त्यस्तै कार्यक्रममा अतिथिको रुपमा उपस्थित तेक्वान्दो खेलाडी दिपक बिष्टले गायक ढकालसँग मित्रताको लामो यात्रा तय गरेको बताए । उनले गीतले निकै चर्चा पाउने विश्वास व्यक्त गरेका थिए ।
