राज र श्रद्धा ‘मेसो मिलाएर’ माया लाउँदै (भिडियो)
संगीतकार अर्जुन पोखरेलको संगीतमा ‘मेसो मिलाएर’ बोलको गीत आज सार्वजनिक गरिएको छ । निशान भट्टराई र अस्मिता अधिकारीको स्वरमा समावेश यो गीतमा दिग्गज धौरालीको शब्द छ । भिडियो :
गीतले यूवायूवतीबिचको प्रेमील वार्तालापलाई प्रस्तुत गरेको छ । यो गीतको भिडियोलाई माइकल चन्दले निर्देशन गरेका हुन् । माइकलले भिडियोलाई गीतको भाव अनुसार नै तयार पारेका छन् । भिडियोमा नायक राज कटुवाल र नायिका श्रद्धा क्षेत्रीको प्रेम र रोमान्स हेर्न सकिन्छ । आकर्षक लोकेशनमा माइकलले भिडियोलाई रंगीन बनाएका छन् ।
उत्सव दाहालको छायांकन रहेको भिडियोलाई शिलन लम्सालले सम्पादन गरेका हुन् । भिडियोमा बेगबहादुर क्षेत्री, सुन्दर कार्की र दीपा थापा कार्कीको पनि अभिनय छ ।
