पुष्पन र अनुको सहकार्यमा पल शाहको कमब्याक
पल शाहको पुष्पन प्रधानद्वारा संगीतबद्ध ‘तिमीलाई हेर्ने बानी पर्यो’को फिमेल भर्सन मार्फत म्युजिक भिडियोमा कमब्याक गर्ने पक्का भएको छ । अनु चौधरीको स्वरमा गीत समेत रेकर्ड भैसकेको छ ।
‘तिमीलाई हेर्ने बानी पर्यो’को मेल भर्सन पल शाहको युटुव च्यानलमा अपलोड गरिएको छ । जस्मा पुष्प प्रधानको स्वर र संगीत सृजना छ । यस्तै पलले एउटा म्युजिक भिडियो गरे बापत महंगो पारिश्रमिक माग गरेको समेत चर्चा छ । उनले २ देखि ३ लाखसम्म पारिश्रमिक लिने खबर सार्वजनिक भैरहेका छन् । पललाई पाँच लाखसम्म पारिश्रमिक प्रस्ताव गरिएको पल निकट श्रोतको दाबी छ । पलले फिल्म खेल्ने भने पक्का गरिसकेका छैनन् ।
फिल्ममा पनि उनले पचास लाखसम्म पारिश्रमिक माग गरेको चर्चा छ । यद्पी यसलाई पलले पुष्टि गरेका छैनन् । पल अभिनित फिल्म ‘म यस्तो गीत गाउँछु २’ पछिल्लो पटक प्रदर्शनमा आएको थियो ।
