मुस्ताङ पुगेर पल लेख्छन्, ‘आँसु बनि नखस कैले नि’!
नायक पल शाह सुटिङमा फर्किएका छन् । एक वर्षपछि उनी औपचारिक रुपमा म्युजिक भिडियोको छायाँकनमा फर्किएका हुन् ।
मुस्ताङमा बिहिबारबाट एक म्युजिक भिडियोको छायांकन सुरु भएको छ, जुन भिडियोलाई केन्द्र मोसन फिक्चर्सले निर्माण गर्दैछ । मोडल सनिशा भट्टराईसँगको तस्बिर राख्दै पल फेसबुकमा लेख्छन्, ‘आँसु बनि नखस कैले नि’ ! यस्तै पल शाह आफ्नै युटुव च्यानलको लागि ‘तिमीलाई हेर्ने बानी पर्यो’ को फिमेल भर्सन निर्माण गर्दैछन् । जसमा पुष्पन प्रधानको संगीत र अनु चौधरीको स्वर रहनेछ ।
पलले नयाँ फिल्म खेल्ने भने सम्झौता गरिसकेका छैनन् । उनी अभिनिति फिल्म ‘म यस्तो गीत गाउँछु २’ गत साल प्रदर्शनमा आएको थियो । पलले ठ्याक्कै एक वर्ष कारागार बिताए । पल सफाइ पाएपछि गत फागुन १५ गते रिहा भएका हुन् ।
