डेढ महिनापछि भाइरल बन्यो पोखरेलको ‘मेसो मिलाएर’
केही दिनदेखि टिकटकमा ‘मेसो मिलाएर’ गीत ट्रेन्डिङमा छ । लाखौंले टिकटक भिडियो बनाएको गीतमा संगीत अर्जुन पोखरेल, शब्द दग्गज धौरालीको छ । गीतमा स्वर निशान भट्टराई र अस्मिता अधिकारीले दिएका छन् । भिडियो :
‘मेसो मिलाएर’ गीत डेढ महिना अगाडी ‘द् डिभाइन म्युजिक’मा अपलोड गरिएको थियो । सुरुवाती दिनमा भिडियोमा भ्युज खासै थिएन । तर, टिकटकमा भाइरल भएपछि भने भिडियोको भ्युजि दिन प्रतिदिन बढिरहेको छ । हालसम्म ‘मेसो मिलाएर’लाई युटुवमा साढे ७ लाख बढीले हेरेका छन् ।
रोमान्टिक गीतको भिडियोमा राज कटुवाल र श्रद्धा क्षेत्री फिचर्ड छन् । माइकल चन्द निर्देशित गीतको भिडियोलाई उत्सव दहालले खिचेका हुन् । ढिलैपनि गीत हिट हुँदा संगीतकार पोखरेलदेखि कलाकार कटुवालसम्म यतिबेला दंग छन् ।
