अनुष्का भइन् मिस सी चितवन
लिभ एण्ड लिड ईन्टरनेशनलको तर्फबाट पहिलो पटक आयोजना भएको मिस सी चितवनको ताज अनुष्का रानाभाटले जितेकी छिन् । अन्तिम प्रतिस्पर्धामा २८ जना प्रतियोगीलाई पछि पार्दै १६ बर्षिय अनुष्का मिस सी चितवनको पहिलो विजेता बन्न सफल भएकी हुन् ।
अनुष्कालाई पछिल्लो संस्करणको मिस चितवन विजेता सुमन गुरुङले ताज पहिराएकी थिईन् । विजेता अनुष्काले एक बर्षको लागी आयोजक संस्थाको ब्राण्ड बन्दै २० हजार नगद, अक्सफोर्ड कलेजमा उच्च शिक्षाको लागि १ बर्षे छात्रवृद्धिसँगै ट्रफी र प्रमाणपत्र हात पारिन् ।
यस्तै फस्ट रनरअप भूमिका आचार्य घोषित हुँदा सेकेण्ड रनरअप सुजना ढकाल बनिन् । फस्ट र सेकेण्ड रनरअपले क्रमशः १५ हजार र १० हजार रुपैया ँसँगै अक्सफोर्ड कलेजमा ९ महिना र ६ महिनाको छात्रवृद्धि तथा ट्रफी र प्रमाणपत्र हात पारे । त्यस्तै थर्ड रनरअप श्वेता अर्याल बनिन् भने चौथो रनरअप करिना श्रेष्ठ बनिन् ।
