क्यानवेरामा पहिलो पटक प्रस्तुती दिदैं ब्याण्ड ’कुटुम्ब’
चर्चित नेपाली लोक साँगितिक ब्याण्ड कुटुम्बले अष्ट्रेलियाको राजाधानी क्यानवेरामा पहिलो पटक आफ्नो प्रस्तुती दिने भएको छ । केटीएम इभेन्ट म्यानेजमेन्टको आयोजनामा सक्सेस एजुकेसन एण्ड भिजा सर्भिसेसको प्रस्तुती रहेको उक्त कार्यक्रम जुन १७ तारिक आयोजना हुन लागेको हो ।
राजाधानी क्यानवेरामा रहेको कोपल्याण्ड लेक्चर थिएटरमा सम्पन्न हुने उक्त कार्यक्रमका लागि कुटुम्ब अष्ट्रेलिया पुगिसकेको छ । राजाधानी क्यानवेरामा पहिलो पटक आफ्नो प्रस्तुती राख्न लागेको कुटुम्बले यस अघी अष्ट्रेलियाका अन्य राज्यहरुमा भने नेपाली मौलिक बाजाहरुको धुन प्रस्तुत गरिसकेको छ ।
सन् २००४ देखी नेपाली संगीतको क्षेत्रमा सकृय रहेको कुटुम्बले नेपाली लोक साँगितिक बाजाहरुलाई आफ्नो पहिचान बनाएको छ । नेपाली मौलिक बाजा र धुन मन पराउने कैयन नेपालीहरुका लागि यो कार्यक्रमले निकै महत्व राख्ने आयोजक केटीएम इभेन्ट म्यानेजमेन्टका संचालक सरोज महर्जनले बताए ।
‘पछिल्लो समय अष्ट्रेलियामा नेपाली साँगितिक कार्यक्रमहरुको बाढी नै आएको छ । यो भिडमा ’कुटुम्ब’को यो कार्यक्रम फरक र उत्कृष्टहुनेमा हामी आशावादी छौँ, उनले भने । कुटुम्ब राजाधानी क्यानवेराको कार्यक्रम सकेर अन्य राज्यहरुको कार्यक्रममा सहभागी हुनेछ ।
