असोज ११ मा एक्लै ‘छक्का पञ्जा २’
दिपक र दिपाको फिल्म छक्का पञ्जा २ असोज ११ गते सोलो रिलिज हुने भएको छ । अनमोल केसी स्टारर फिल्म कृ कात्तिक ३ गते सरेसँगै दिपक र दिपाको फिल्म दशैंमा एकल रिलिज हुने भएको हो । वर्षका दुई प्रतिक्षित फिल्महरुबिच एकै मितिमा हुने प्रतिस्पर्धाले फिल्म नगरीमा राम्रो चर्चा भएको थियो ।
असोज ११ मा एकल रिलिज हुने छक्का पञ्जाको यसै साता सम्पन्न हुने लेखक, निर्माता तथा अभिनेता दिपकराज गिरीले जानकारी दिए । एउटा गीत चाहिं बाँकी छ दिपकले भने यो प्रतिस्पर्धा होला भन्नेमै मलाई विश्वास थिएन । छक्का पञ्जा २ र कृ लाई ओभरसिज राइटस् लिएको हाइलाइट्स नेपालले दुई फिल्मको प्रदर्शन मिति मिलाएको हो ।
दिपाश्री निरौलाले निर्देशन गर्दै गरेको फिल्म छक्का पञ्जा २ मा दिपकराज, प्रियंका कार्की, जितु नेपाल, शिवहरी पौडेल, केदार घिमिरे, बर्षा राउत, स्वस्तिमा खड्का, स्वरुप पुरुष ढकाल लगायत कलाकारहरुको अभिनय रहेको छ । यस पटक दिपक र दिपासँग निर्माता विकास आचार्यले लगानीमा सहकार्य गरेका छन् ।
