दयाहाङपछि ‘कार्साङ’ मा बुद्धि तामाङअनुबन्धित
फिल्म ‘कार्साङ’मा अभिनेता दयाहाङ राई पश्चात् कलाकार बुद्धि तामाङ अनुबन्धित भएका छन् । यम शेर्पाको निर्देशनमा बन्ने फिल्ममा दयाको मुख्य भूमिका रहनेछ भने बुद्धिपनि महत्वपूणर् भूमिकामा अनुबन्धित भएका हुन् ।
यार्सा फिल्मस्को व्यानरमा निर्माण हुने ‘कार्साङ’मापुरुषोत्तम प्रधानको छायांकन रहने छ । यो छायाँकार प्रधान निर्माताका रुपमा समेत आवद्ध छन् । फिल्मको छायांकन बाह्रबिसे नगरपालिका र बाँकी भोटेकोसी गाउँपालिकामा हुनेछ ।
फिल्ममा अन्य कलाकार तथा प्राविधिक चाँडै फाइनल गरिने निर्देशक शेर्पाले बताए । फिल्मका बाँकी कलाकार अडिसन मार्फत छनोट गरिने उनले खुलाए ।
निर्देशक शेर्पाको यो डेब्यू निर्देशकीय फिल्म हो । यसअघि उनले थुप्रै सर्ट फिल्मको निर्देशन गरिसकेका छन् ।
