साजन र समिक्षाको स्वरमा ‘चुम्दा मायाले’ सार्वजनिक
गायक सरोज साजन श्रेष्ठ र गायिका समीक्षा अधिकारीको स्वरमा समावेश ‘चुम्दा मायाले’ बोलको गीतको भिडियो सार्वजनिक भएको छ । लम्साल यादवको शब्दमा अर्जुन पोखरेलले निकै रोमान्टिक गीत तयार पारेका छन् । भिडियो :
गीतको अडियो कणर्प्रिय छ । जसलाई विशेषगरि, टिकटकमा रुचाउने देखिन्छ । यो गीतको भिडियोलाई माइकल चन्दले निर्देशन गरेका हुन् । माइकलले भिडियोमा लेन जी, उषा उप्रेति र ललना चिमरियालाई अभिनय गराएका छन् । तीनै जनाले भिडियोमा खुलेरै नृत्य समेत गरेका छन् ।
माइकल स्टेप अप एन्ड आर्टस् एकेडेमीको कोरियोग्राफीमा तयार भएको भिडियोमा सिलन लम्सालको सम्पादन, नवराज उप्रेतिको छायांकन छ । भिडियो र गीतले दर्शकको मन जित्ने विश्वास गर्न सकिन्छ ।
