राजु लामा र करण राईले दिए ‘धन्यवाद’ (भिडियो)
गायक राजु लामा र द भ्वाईस अफ नेपाल सिजन ४ बिजेता करण राईले आफ्ना शुभचिन्तकलाई ‘धन्यवाद’ दिएका छन् । ‘धन्यवाद’ गीतको भिडियो मार्फत उनीहरुले शुभचिन्कतलाई धन्यवाद ज्ञापन गरेका हुन् । भिडियो :
गीतमा कोच राजु र बिजेता करणको स्वरमा रहेको छ । राजुकै शब्द तथा संगीत रहेको गीतलाई देबेश राईले एरेञ्ज तथा मिक्सिङ गरेका छन् । सार्वजनिक गीतको बारेमा करणले लेखेका छन् ‘‘द भ्वाइस अफ नेपाल सिजन-४’ को यात्रामा यहाँहरुले जति माया,साथ,हौसला र आशिर्वाद दिनुभयो । त्यसको बदलामा मैले जति नै धन्यवाद दिए पनि सायद कम हुन्छ । तथापी हजुरहरुले दिनुभएको प्रेमको निम्ति केही दिन नसके पनि मेरो गुरु/कोच आदरणीय राजु लामा सर र मेरो तर्फबाट हाम्रो आवाजमा यी नै कृतज्ञताको शब्दहरु सहित यो ‘धन्यवाद’ गीत यहाँहरु माझ अर्पण गर्दछौं । आशा छ ! यहाँहरुले हामीलाई यसैगरी माया,प्रेम,साथ,हौसला र आशिर्वाद दिइरहनु हुनेछ ।’
‘धन्यवाद’ गीतको भिडियोमा गूरु-चेला राजु र करण नै फिचर्ड छन् । गीतको शब्दहरुमा दर्शकको माया खेर जान नदिने वाचा राजु र करणले गरेका छन् । यस भिडियोमा ईशक जाबेगुको निर्देशनसंगै सिनेमाटोग्राफी रहेको छ । सम्पादन तथा कलर सुप्रिम पराजुलीको रहेको छ ।
