स्व.रोबिन तामाङ्गको अन्तिम गीत ‘धुवाँ’ रिलिज
स्व.रकस्टार रोबिन तामाङ्गको अन्तिम गीत ‘धुवाँ’ सार्वजनिक गरिएको छ । गीतमा रोबिनलाई गायक राजेश पायल राइले पनि साथ दिएका छन् । भिडियो :
सुरेश राईको शब्द तथा संगीतमा तयार भएको गीतमा राजेश र रोबिनलाई फिचर्ड छन् । गीतको र्यापको शब्द भने रोबिनले नै लेखेका छन् । सोनाम तामाङको छायांकनमा तयार भएको यो भिडियोलाई निरञ्जन पाण्डेले सम्पादन गरेका हुन् ।
निर्देशक तथा सम्पादक निरञ्जन पाण्डेले यो गीत फिल्मका लागि तयार पारेका थिए । तर, रोबिन तामाङको असमायिक निधन भएपछि उनलाई नै अन्तिम श्रद्धाञ्जली दिदै यो गीत सार्वजनिक गरेका हुन् ।
रकस्टार रोविनको आइतबार अन्तिम दाहसंस्कार गरिएको छ । उनको अन्तिम दाहसंस्कारमा थुप्रै संगीतप्रेमी र राजनीतिज्ञ उपस्थित थिए ।
