प्रकास सपुतको नयाँ सृजना ट्रेन्डिङको पहिलो नम्वरमा
प्रकाश सपुतको नयाँ गीत ‘दमाई महाराज’ गत शुक्रबार साँझ सार्वजनिक भएको छ । सपुतका अघिल्ला सृजनाहरु जस्तै यो सृजनाले पनि छोटो समयमै युटुव ट्रेन्डिङको शिर्ष स्थान कब्जा गर्न सफल भएको छ भने भ्युज दुई दिनमै बीस लाख माथि छ । गीत :
प्रकाश सपुतको शब्द, संगीत र स्वर रहेको भजनमा गाकिया शान्तिश्री परियारले स्वरमा साथ दिएकी छन् । भिडियोमा सपुत सहित अञ्जली अधिकारी, गरिमा शर्मा, गीता ढुंगाना, प्रभात पाल ठकुरी, सुनिल विक लगायतको नृत्य तथा अभिनय छ । मानकृष्ण महर्जन र दिनेश पराजुलीको छायाँकन रहेको भिडियोलाई प्रविण भट्टले सम्पादन गरेका हुन् ।
प्रकाश सपुतको ‘दमाइ महाराज’ ‘गलबन्दी’ र ‘बोल माया’को भाग २ भनिएको छ । उनको अघिल्लो सफल गीत ‘सकम्बरी’मा दोहोरी साँझको विकृती उठाएका सपुतले ‘दमाइ महाराज’ मा जातिय विभेद विरुद्धको विषय उठाएका छन् ।
उसो त प्रकाश सपुतले यो साल आफ्ना सृजना जातिय विभेद विरुद्धसँग सम्बन्धित हुने उद्घोष गरेका थिए । उनी अभिनित पहिलो फिल्म ‘परदेशी २’ कात्तिक ३ गते दशैंमा प्रदर्शन हुँदैछ ।
