मानव सेवा आश्रममा गीतकार पाण्डेको जन्मदिन
गीतकार तथा सञ्चारकर्मी दयाराम पाण्डेले जन्मदिनको अवसरमा मानवसेवा आश्रमलाई सहयोग गरेका छन् । बालाजु रानीवनमा रहेको मानव सेवा आश्रममा दुई सय जना भन्दा धेरै जेष्ठ नागरिक र फरक क्षमता भएका व्यक्तिहरूलाई भोजन गराएर गीतकार पाण्डेले आफ्नो जन्मदिन मनाएका हुन् ।
उनले आफूले आर्जन गरेको रकमबाट केही रकम समाजसेवामा खर्च गर्न पाउँदा खुशी लागेको बताए ।’जन्मदिनमा मात्र नभई अन्य समयमा पनि यस्ता सामाजिककार्यमा जोडिने गरेको छु ।पहिला यसलाई बाहिर ल्याउथिन् । यद्यपि यस्ता कार्यले अरुलाई पनि प्रेरणा मिलोस् भनेर सामाजिकसञ्जालमार्फत सार्वजनिक गरेको हुँ ।’ उनले दुई सय भन्दा बढीलाई भोजन गराउनुका साथै भलाकुसारी समेत गरेका थिए ।
