राजा राजेन्द्रको जन्मदिनमा ‘सालको पात’ सार्वजनिक
हाँस्यव्यंग्य कलाकार तथा गायक राजा राजेन्द्र पोखरेलले नयाँ गीत ‘सालको पात’ सार्वजनिक गरेका छन् । उनले असोज २ गते आफ्नो जन्मदिनको अवसर पारेर यो गीत सार्वजनिक गरेका हुन । भिडियो :
ज्ञानेन्द्र शर्मा हुमागाईँको निर्देशन रहेको यसै गीत मार्फत नव कलाकार युवराज गौतमले डेब्यु गरेका छन् । कलाकार सुरवीर पण्डित अर्थात दाह्री बा र बाल कलाकार एलेक्श खड्का पनि मुख्य कलाकारको रुपमा रहेका छन् । राजा राजेन्द्रको स्वरमा रहेको यस गीतमा श्रमदीप चौलागाईँको शब्द र संगीत रहेको छ । भिडियोलाई दिन्सन शाहको सम्पादन गरेका हुन ।
जन्मदिनको अवसर पारेर आज सार्वजनिक गीतमा वैदेशिक रोजगारीमा गएका युवा साउदीको जेलमा परेपछिको पारीवारिक पीडालाई प्रस्तुत गरिएको छ । यसमा अभिनेत्री शिल्पा पोखरेलले साउदीको जेलमा परेका श्रीमानलाई झिकाउन सक्दो प्रयास गरिरहेकी श्रीमतीको भूमिका निर्वाह गरेकी छिन् ।
