रानीको स्वरमा ‘सेल्फी खिचौंला’ सार्वजनिक (भिडियो)
गायिका रानी शाक्य अमेरिकामा रहेर पनि निरन्तर गीत संगीतमा सक्रिय छिन् । रानीको स्वरमा नयाँ गीत ‘सेल्फी खिचौंला’ सार्वजनिक गरिएको छ । शाक्य र किरण भुजेलको स्वर रहेको गीतमा हरि उप्रेतीको शब्द, नागेन्द्र श्रेष्ठको संगीत छ । भिडियो :
यो भिडियोमा सरोज प्रजा, विना राउत र निक्स शर्माको अभिनय छ । तिन जनाले माया गर्दै सेल्फी खिच्ने कुरा गीतमा गरेका छन् । प्रहिल कार्कीको निर्देशनमा तयार भएको यो भिडियोमा उत्तम हुमागाँइको छायांकन, सन्तोष राजबहाकको कोरियोग्राफी, राकेश दाहालको सम्पादन छ ।
गीतका शब्दहरुले टिकटकमा दर्शकको साथ पाउन सक्छन् । यो गीतलाई रोमान्टिक डान्सिङ नम्बरमा तयार पारिएको छ ।
