कृष्णको ‘निरमाया’मा प्रियङ्का र आशीर्वादको रोमान्स
गायक कृष्ण बिकले नयाँ गीत ‘निरमाया’ सार्वजनिक गरेका छन् । यस गीतमा बिकले गायिका स्मिता दाहालसँग युगल स्वर दिएका छन् । प्रेमिल भावको यस गीतमा शब्द तथा सङ्गीत भीम बिसीको रहेको छ । गीत :
गीतको भिडियोमा प्रियंका कार्की, आशीर्वाद क्षेत्री र सलिना खत्री फिचर्ड छन् । ‘नाइँ नभन्नु ल ६’ चलचित्रबाट एक्सन अभिनेताको रूपमा आएका क्षेत्रीले पहिलो पटक म्युजिक भिडियोमा अभिनय गरेका हुन् । क्षेत्रीले गीत, भिडियो मेकिङको कन्सेप्ट र टिम हेरेर यस म्युजिक भिडियोमा अभिनय गर्न तयार भएको गायक तथा प्रस्तुत कर्ता बिकले बताए । उनका यसअघि आएका गीतमा महानायक राजेश हमाल, अभिनेता दिलीप रायमाझी, अभिनेत्री निरुता सिंह लगायतका प्रसिद्ध कलाकारहरूले अभिनय गरेका थिए ।
‘निरमाया’ को भिडियोलाई जिबि आग्रीले निर्देशन गरेका छन् भने कोरियोग्राफर कबिराज गहतराज हुन् । सञ्जय लामाले छायाङ्कन गरेको भिडियोका सम्पादक मिलन श्रेष्ठ हुन् । कलर ग्रेडिङ राजेन्द्र मोक्तानले गरेका छन् ।
