कंगना रनौत लोकसभा निर्वाचनमा विजयी
बलिउड अभिनेत्री कंगना रनौतले लोकसभाको निर्वाचनमा जित हाँसिल गरेकी छन् । हिमाचल राज्यको मण्डी निर्वाचन क्षेत्रबाट उनी विजयी भएको भारतीय संचारमाध्यमले जनाएका छन् । कंगना भारतीय जनता पार्टी (बीजेपी)को उम्मेरद्वार हुन् ।
‘क्विन’ कंगनाले कांग्रेसका उम्मेदवार विक्रमादित्यलाई ७० हजारभन्दा बढी मतान्तरले हराएको जनाइएको छ । मिडिया कुराकानीमा उनले आफ्नो जित प्रधानमन्त्री नरेन्द्र मोदीप्रतिको विश्वासको रुपमा रहेको बताएकी छन् ।
चार राष्ट्रिय पुरस्कार प्राप्त कंगनाले पहिलो पटक चुनावमा प्रतिष्पर्धा गरेकी हुन् । उनले चालिस भन्दा बढी फिल्महरुमा अभिनय गरेकी छन् । उनले निर्माण, निर्देशन र अभिनय गरेको फिल्म ‘इमर्जेन्सी’ प्रदर्शनको पर्खाइमा छ ।
