पल शाह र मलिका महत ‘राधा पियारी’ बनेर आए
अभिनेता पल शाह र अभिनेत्री मलिका महत ’राधा पियारी’ बनी दर्शकमाझ आएका छन् । लक्षरा फिल्म्सले लामो समयपछि पल र मलिकालाई एकसाथ म्युजिक भिडियोमा फिचर्ड गरेको हो । गीत :
भिडियोमा पल र मलिका नेपाल प्रहरीको भुमिकामा प्रस्तुत भएका छन् । सहकारीको नाममा सोझा-साझा जनतालाई ठगिरहेको व्यक्तिलाई यी दुईले कसरी सस्पेन्स तरिकाले पक्राउ गर्छन् भन्ने रहस्यलाई भिडियोमा रमाईलो तरिकाले प्रस्तुति गरिएको छ ।
गीतमा गायिका शान्ती श्री परियार र गायक कृष्ण बि.केको स्वर छ । गीतमा कृष्ण बि.के स्वयंले शब्द र संगीत भरेका छन् । सार्वजनिक भिडियोमा जि.बि अग्रको निर्देशन रहेको छ ।
उसो त पल शाह अभिनित प्रतिक्षित फिल्म ‘रावायण’ भदौ २१ गतेदेखि प्रदर्शनमा आउँदैछ भने मलिका अभिनित फिल्म ‘सतिदेवी’ देशका हलहरुमा चलिरहेको छ ।
