‘छक्का पञ्जा ५’ को ब्रेकअप गीतलाई करोड भ्युज
फूलपातीबाट प्रदर्शनमा आउने प्रतिक्षित फिल्म छक्का पञ्जा ५ को ब्रेकअप गीतलाई करोड पटक हेरिएको छ । ट्रेन्डिङमा समेत रहेको गीतलाई करिब तीन सातामा एक करोड भन्दा बढी पटक हेरिएको हो ।
बबुल गिरीको सृजना रहेको गीतमा दिपाश्री निरौलाले समेत स्वर दिएकी छन् । गीतमा दिपाश्रीसँगै केदार घिमिरे, दिपकराज गिरी, बर्षा सिवाकोटी, सुरविर पण्डित, हिमेश पन्त लगायत अन्य कलाकारहरुको अभिनय छ ।
यस्तै शनिबार सार्वजनिक गरिएको फिल्म छक्का पञ्जा ५ को प्रोमोलाई दुई दिनमा साढे सात लाख बढीले हेरेका छन् । राजनीतिक र रोमान्सलाई प्रस्तुत गरिएको फिल्मको प्रोमो युटुव मुभिज अन्र्तगत् दोश्रो नम्बरमा छ ।
बिना वुष्ट फिल्मको प्रोमोलाई दर्शकले यो संख्यामा हेरेपछि ‘छक्का पञ्जा ५’ युनिटले खुसी साटेको छ । फिल्म असोज २४ गते दशैंको अवसरमा प्रदर्शन हुँदैछ ।
