‘छक्का पञ्जा ५’ को अर्को गीतलाई पनि करोड भ्युज
प्रदर्शनरत फिल्म ‘छक्का पञ्जा ५’ मा समावेश गीत ‘बिहे भा’को छैन’लाई युट्युवमा १ करोडभन्दा धेरै पटक हेरिएको छ । ब्रेकअप गीत पश्चात् दिपाश्री निरौला निर्देशित फिल्मको यो दोश्रो गीतको भिडियोलाई करोड भ्युज प्राप्त भएको हो ।
‘बिहान उठ्ने बित्तिकै हेरेको छक्का पन्जा ५को अर्को गीतले पनि १ करोड़ को रेखा पार गरेछ । हाम्रा चलचित्रका गीतहरू र चलचित्रलाइ सधै झैं माया गरि दिनुभएको छ ! यसले हामी हिँडेको सकारात्मकताको बाटो र उद्देश्य अझै मज़बूत भएको महसूस गरेका छौ । चलचित्र हेर्न छुटेको छ भने अझै पनि हलहरूमा लागिरहेको छ । यहाँहरूको दिन शुभ रहोस !’ फिल्ममा समावेश अर्को गीतले करोड भ्युज पाएपछि लेखक, निर्माता तथा अभिनेता समेत रहेका रचनाकार गिरीले फेसबुकमा लेखेका छन्।
दीपक शर्माद्वारा संगीतबद्ध यो गीतमा दीपकराज गिरी र शर्माका शब्द छन् । गीतमा सविन सुवेदी र बेनिशा पौडेलको स्वर समावेश छ । गीतमा अभिनेत्री बर्षा सिवाकोटी र दिपकराज फिचर्ड छन् ।
