‘हरि बहादुरको जुत्ता’ मा प्रियंका र स्वस्तिमा अनुबन्धित
दिपेन्द्र के खनालको निर्देशनमा तयार हुने फिल्म ’हरि बहादुरको जुत्ता’ मा अभिनेत्रीद्वया प्रियंका कार्की र स्वस्तिमा खड्का अनुबन्धित भएका छन् । फिल्ममा यस अघि हरिवंश आचार्य र प्रकाश सपुत पक्का भैसकेका छन् ।
प्रियंका र स्वस्तिमाको आगमनसँगै ‘हरि बहादुरको जुत्ता’ केन्द्रिय पात्रको अनुबन्धन पुरा भएको छ । यो मल्टीस्टारर फिल्मलाई सरोज ओलीले निर्माण गर्दैछन् । हरिवंशको नै कथा रहेको फिल्म तत्कालै छायाँकनमा जाने बताइएको छ ।
प्रियंका र स्वस्तिमाले ‘छक्का पञ्जा’ र ‘नाईं नभन्नू ल’ श्रृंखला सहित ‘हजार जुनीसम्म’मा स्क्रिन सेयर गरेका छन् । स्वस्तिमा र प्रकाशको बसन्त फ्लोरमा छ भने हरिवंशसँग पनि यी तीन स्टारले म्युजिक भिडियो खेलेका छन् ।
