‘रोमियो’ ले लियो नयाँ रिलिज मिति
फिल्म ‘रोमियो’ को नयाँ प्रदर्शन मिति तय गरिएको छ । यसअघि वैशाख २९ गते रिलिज हुने भनिएको फिल्मको कात्तिक १७ गते रिलिज हुने निर्माता तथा नायक हसनराज खानले बताएका छन् ।
वितरक एफडी कम्पनीसँगको कुराकानीपछि ‘रोमियो’ को नयाँ प्रदर्शन मिति तय गरिएको हसनको भनाई छ । ‘अब हामी यही डेटमा आउछौं । हट्दैनौं र सर्दैनौं पनि’ हसनले भने । शंकर कार्कीको निर्देशन रहेको फिल्म ‘रोमियो’ मा हसनराजा खान, निशा अधिकारी, ओसिमा बनु, मेलिना मानन्धर लगायतका कलाकारको अभिनय रहेको छ । फिल्मको ‘ल्याङ ल्याङ’ बोलको कभर भिडियोले चर्चा पाइरहेको छ ।
