सृष्टि र नरेनको ‘लाउरे’ बैशाख २८ देखि रिलिज
सृष्टि श्रेष्ठ, नरेन लिम्बु र मिरुना मगर अभिनित फिल्म ‘लाउरे’ले प्रदर्शन मिति तय गरेको छ । आगामी बैशाख २८ गते (११ मे) मा देशव्यापी रिलिज हुने निर्माण कम्पनी दुर्गिश फिल्मसले जनाएको छ ।
पप गायकको रुपमा ख्याति बटुलेका लिम्बु ‘लाउरे’ फिल्म मार्फत अभिनेताको रुपमा डेब्यु गर्दैछन् । विक्रमसिंह थारु निर्देशित फिल्मलाई सुनिल रावल, ईश्वर श्रेष्ठ, सुवास लामिछाने र भेषमणी श्रेष्ठले निर्माण गरेका हुन् । कार्यकारी निर्माता बुद्धिलाल मगर र वितरक काफिया फिल्मस प्रालि हो ।
आलोक शुक्लाको छायांकन रहेको फिल्मको पटकथा नेगेटिभ बुद्धले लेखेको हो । बुद्धका प्रमुख थारु निर्माता रहेको फिल्म लालपुर्जा रिलिज तयारीमा छ । लाउरे मार्फत थारुले निर्देशनमा डेब्यु गर्दैछन् ।