ट्रेन्डिङ नम्वर एकमा आश्माको ट्याटु
दश लाख बढी भ्युज कमाउँदै कार्टुञ्ज क्रु को नयाँ भिडियो ‘कम्मरको ट्याटु’ नेपाल युट्युवको ट्रेन्डिङ नम्वर एकमा बसिरहेको छ । मिस्टर आरजेको शब्द तथा संगीत रहेको गीतमा अल्मोडा राना उप्रेतीको स्वर छ । भिडियोलाई सरोज अधिकारीले निर्देशन गरेका हुन् । भिडियो :
यस्तै युट्युवको ट्रेन्डिङ नम्वर दुईमा फिल्म ‘सत्रु गते’ को ‘रुपै मोहनी’ गीतको भिडियो छ । १६ लाख बढी भ्युज भएको यो भिडियो ट्रेन्डिङ नम्वर एकमा पनि पुगेको थियो । टंक बुढाथोकीको संगीत रहेको गीतको भिडियोमा हरिवंश आचार्य, दिपाश्री निरौला, दिपकराज गिरी, प्रियंका कार्की, पल शाह, आँचल शर्मा जस्ता अग्रज तथा नयाँ स्टारहरुले नृत्य पस्केका छन् । प्रदीप भट्टराई निर्देशित फिल्म सत्रुगते चैत ९ गतेदेखि प्रदर्शनमा आउँदैछ । भिडियो हेर्नुस् :
ट्रेन्डिङ नम्वर तीनमा युवा स्टार अनमोल केसी नाचेको यति यति पानी छ । कृ फिल्मको यो गीतलाई हालसम्म ११ लाख बढीले हेरेका छन् । माघ २६ गतेदेखि प्रदर्शनमा आउने अनमोलको यो पछिल्लो फिल्म निकै नै प्रतिक्षामा छ । अनमोलको अपोजिटमा नव नायिका अदीति बुढाथोकी प्रस्तुत भएकी छन् । भुवन केसी र सुवास गिरी निर्मित फिल्मलाई सुरेन्द्र पौडेलले निर्देशन गरेका हुन् । गीत हेर्नुस् :
यस्तै ट्रेन्डिङ नम्वर चौथोमा रेखा थापा र आर्यन सिग्देल अभिनित फिल्म रुद्रप्रिया छ । फिल्मलाई हालसम्म १४ लाख बढीले हेरिसकेका छन् । रेखा र रमेश एमके पौडेल निर्मित रुद्रप्रिया लाई सुदीप बबी भूपाल सिंहले निर्देशन गरेका हुन् । फिल्म हेर्नुस् :
