विराज भट्ट खेल्ने ‘हर्के राजा’ मा यी हिरोइन बन्न सक्छिन् रानी
अभिनेता विराज भट्ट नयाँ नेपाली फिल्ममा अभिनय गर्ने भएका छन् । फिल्म ‘जय पर्शुराम’ पछि विराजले खेल्ने नेपाली फिल्मको नामाकरण हर्के राजा राखिएको छ । विराज आफैंले यो फिल्मको नाम सामाजिक सञ्जाल फेसबुक मार्फत सार्वजनिक गरेका हुन् । विराजले खेल्ने ‘हर्के राजा’ मा रानीको भूमिका चाहिं कसले गर्लिन् त ?
विराजको ‘हर्के राजा’ मा नायिका सुरक्षा पन्त रानीको भूमिकामा प्रस्तुत हुन सक्ने श्रोतको भनाई छ । प्रदर्शनको पर्खाइमा रहेको फिल्म धनपति मा अभिनय गरेकी सुरक्षा हर्के राजाको निर्माण तथा निर्देशन समुहको रोजाइमा परेकी छिन् । यद्पी कागजी सम्झौता भने भैसकेको भने छैन् । फिल्मलाई सानु शाक्यले निर्देशन गर्नेछन् भने निर्माणमा विनोद मानन्धर, बसन्त श्रेष्ठ र समुहले निर्माण गर्नेछन् ।
