मंहगो सेटमा ‘रुद्रप्रिया’ को गीत
कात्तिक २, लक्ष्मी पूजामा प्रदर्शन हुने फिल्म ‘रुद्रप्रिया’ को एक गीत महंगो सेट लगाएर गीत खिचिएको छ । बन्दीपुरमा लगाइएको ‘आउट डोर’ सेटको खर्च १८ लाख हाराहारी पुग्ने निर्मात्री रेखा थापाले बताइन् । ‘सेट भव्य नै बनेको छ’, रेखाले भनिन्, ‘सेट अनुसारको सबै काम भव्य भैरहेको छ ।’
राजनराज सिवाकोटीको संगीत रहेको गीतमा रेखा र आर्यन सिग्देल फिचरिङ छन् । कोरियोग्राफी प्रविण सिंहको छ । गत एक सातादेखि सुरु भएको गीतको सुटिङ यसै साता सकिने रेखाले बताइन् । बन्दीपुरपछि पोखराको सुटिङ सकेर रुद्रप्रिया टोली काठण्माडौं फर्किनेछ । राजधानीको केही दिनको काम पछि फिल्मको सम्पूर्ण सकिने रेखाको भनाई छ । सुदीप बबी भूपाल सिंहको निर्देशन रहेको फिल्मलाई संजय लामाले खिचिरहेका छन् । ‘रुद्रप्रिया मा सरस्वती थापा र रमेश एमके पौडेल निर्माताको रुपमा रहेका छन् ।
