हसनको ‘रोमियो’ मा संजोग र अशिष्माको ‘ल्याङ ल्याङ’
फिल्म ‘रोमियो’ मा समावेश ‘ल्याङ ल्याङ’ बोलको गीतको छायाँकन गरिएको छ । बिहिबार काठमाण्डौको ठमेलमा रहेको एक डान्स क्लबमा यो गीतको भिडियो छायांकन गरिएको हो । ८० जना भन्दा बढी कोरसका साथमा फिल्मका मुख्य नायक हसनराजा खान र नव–नायिका ओसिमा बानुले गीतमा नृत्य गरे । यो गीतको अडियो र कभर भिडियो समेत सार्वजनिक भैसकेको छ ।
गम्भिर बिष्टको कोरियोग्राफी रहेको गीतको भिडियोमा नायिका अशिष्मा नकर्मी र नायक संजोग कोइरालाले पनि कम्मर मर्काए । गीतमा सुनिल पाण्डेको संगीत, सहिमा श्रेष्ठ र सुनिल पाण्डेको स्वर छ । शंकर कार्कीको निर्देशन रहेको रोमियोमा नीशा अधिकारी, मेलिना मानन्धर र ओसिमा बानुको मुख्य भूमिकामा रहेको छ । फिल्म कात्तिक १७ गतेदेखि प्रदर्शनमा आउँदैछ ।
