निखिल र सौगातको ‘संरक्षण’ प्रोमो र प्रदर्शन मिति रिलिज
फिल्म ‘संरक्षण’ को प्रोमो रिलिज गर्दै प्रदर्शन मिति पनि तय गरिएको छ । निखिल उप्रेती र सौगात मल्ल स्टारर यो फिल्म अब साउन २७ गतेदेखि प्रदर्शनमा आउनेछ । साउन १३ मा निखिलकै रुद्र आउने भएपछि ‘संरक्षण’ नयाँ मितिमा प्रदर्शन हुने भएको हो । प्रोमो हेर्नुस् :
पुर्णेन्दु झा निर्देशित फिल्म ‘संरक्षण’ को विषयवस्तु मधेशमा हुने गुण्डागर्दी तथा तस्करीमा आधारित छ । निखिल र सौगातसँगै फिल्ममा रमेश रञ्जन झा, मलिना जोशी, अशिष्मा नकर्मी, प्रमोद अग्रहरी, कामेश्वर चौरसिया लगायत कलाकारहरुको अभिनय रहेको छ । फिल्म नरेन्द्र महर्जन, प्रदीप कुमार उदय, नन्दु श्रीवास्तव र श्वेता शाहको संयुत्त लगानीमा निर्माण भएको हो ।
