‘शत्रुगते’ लाई ३ करोड, ‘छक्का पञ्जा २’ को रेकर्ड…
मल्टीस्टारर फिल्म ‘शत्रुगते’ ले आक्रमक व्यापार गरेको छ । प्राप्त जानकारी अनुसार फिल्म तीन दिनमै तीन करोड २७ लाखको व्यापार गरेको छ । मह सञ्चारको प्रस्तुतीमा किरण केसीले निर्माण गरेको ‘शत्रुगते’ को यो कलेक्सन सर्वाधिक हो ।
निर्माता केसीले दिएको जानकारी अनुसार ‘शत्रुगते’ ले पहिलो दिन ७२ लाख, दोस्रो दिन १ करोड ४३ लाख र तेस्रो दिन १ करोड १२ लाखको करोबार गर्यो । प्रदर्शन दोश्रो दिन शनिबार र तेश्रो दिन रामनवमीमा फिल्मले करोड माथिको कलेक्सन गर्यो ।
तीन दिनमा तीन करोड माथिको कलेक्सन गरेपनि ‘शत्रुगते’ ले ‘छक्का पञ्जा २’ को ३ दिने कलेक्सन भने तोड्न सकेन । दिपक र दिपाको फिल्म तीन दिनमा झण्डै साढे चार करोडको व्यापार गरेको थियो । पन्ध्र करोड माथिको व्यापार गरेको ‘छक्का पञ्जा २’ को रेकर्डलाई ‘शत्रुगते’ ले तोड्ला ?
प्रदीप भट्राई निर्देशित फिल्म ‘शत्रुगते’ मा हरिवंश आचार्य, दिपकराज गिरी, दिपाश्री निरौला, प्रियंका कार्की, पल शाह, आँचल शर्मा लगायत कलाकारहरुको अभिनय रहेको छ । दर्शकले फिल्मलाई रुचाइरहेका छन् । हल रिपोर्ट हेर्नुस् :