चितवनमा ‘लिलिबिली’ कन्सर्ट, प्रदीपलाई हेर्नेको भिड
मोफसल प्रचारका क्रममा चैत ३० गतेदेखि प्रदर्शनमा आउने फिल्म ‘लिलिबिली’ टिम सोमबार चितवन पुगेको छ । त्यहाँको नारायणी किनारमा आयोजित कन्सर्टमा विशेष नायक प्रदीप खड्कालाई हेर्न उल्लेख्य दर्शकको उपस्थिति रह्यो । लिलिबिली हेर्न आग्रह गर्दै प्रदीपले दर्शकमाझ विफी लिए ।
प्रदीस सँगै नायिका जसिता गुरुङ, निर्देशक मिलन चाम्स लगायत फिल्म टिमले दर्शकसँग अन्र्तक्रिया गरे । गायक प्रताप दासले फिल्मको गीत गाए । चितवनपछि लिलिबिली टिम पुर्वका दमक, इटहरी, धरान लगायतका शहरमा पुग्नेछ । चितवनमा सोमबारै गरिएको प्रेसमिटमा नायक खड्काले लिलिबिली आफ्नो डेव्यु फिल्म सरह रहेको बताए ।
निर्देशक चाम्स, गोविन्द शाही र सुदीप खड्काले संयुक्त रुपमा निर्माण गरेको फिल्म लिलिबिली मा प्रदीप र जसितासँगै नायिका प्रियंका कार्की, अनुपबिक्रम शाही, सविन श्रेष्ठ, मनिष श्रेष्ठ, धुर्व दत्त, रितेश चाम्स लगायतका कलाकारको अभिनय छ ।
